Осумнаесетгодишниот А.И. од село Џепчиште е повреден со нож од седуманесетгодишник од село Камењане пред Културниот дом во Тетово.
Како што информираат од МВР, меѓу нив настананала вербална расправија поради меѓусебно нетрпение, по што почнале да се туркаат при што А.И го турнал малолетникот, на што тој со нож му нанел една расекотина во пределот на стомакот и една во пределот на левото колено.
А.И. бил пренесен во Клиничката болница во Тетово, каде му биле констатирани телесни повреди и по укажаната помош бил пуштен на домашно лекување.
Седумнаесетгодишникот се наоѓа во бегство. Се преземаат мерки за пронаоѓање на сторителот и за целосно расчистување на случајот.
