Дваесет и тригодишен битолчанец заработи кривична пријава заради препродавање дрога.
Во соопштението на Секторот за внатрешни работи од Охрид се наведува дека во текот на август оваа година пријавениот на подрачјето на Охрид продавал хероин, поради што на 17 август полицијата извршила претрес во неговиот дом во Охрид каде привремено престојувал, при што била пронајдена најлонска кеса со извесна количина хероин сокриена во саксиско цвеќе, како и алуминиумска цевка и нагорена алуминиумска фолија со траги од хероин.
Одземените предмети биле испратени на вештачење во Министерството за внатрешни работи во Скопје, по што е утврдено дека пронајдената материја во најлонската кеса е хероин во вкупна количина од 12,67 грама.