Тешка кражба извршиле непознати сторители синоќа во домот на 89-годишниот Д.С. од село Луковица, Македонска Каменица.
Портпаролот на СВР Штип Гордана Панајотова, информира дека во полициската станица во Македонска Каменица кражбата ја пријавил синот на старецот.
– Од страна на непознати сторители извршено е пребарување на куќата и од паричникот му се одземени 300 денари, а од дрвениот сандак кој насилно бил отворен му се одземени 20 илјади денари. Се преземаат мерки за пронаоѓање на сторителите, рече Панајотова.
Старецот живеел сам во селото, а неговите соседи информираат дека тој бил претходно посетен од двајца непознати кои, наводно, биле заинтересирани да купат нива од старецот, па тие го искористиле моментот додека старецот ја покажувал нивата, еден од сторителите да влезе во неговиот дом и да го ограби.