Општинските изборни комисии во Битола и Демир Хисар информираат дека гласањето на денешните предвремени парламентарни избори се одвива мирно.
– Гласањето во Битола се одвива на 170 избирачки места и досега гласале 33.909 граѓани од евидентираните 82.212 или 41,24 отсто граѓани со право на глас, соопшти Зоран Насев, претседател на ОИК-Битола.
Гласачите од Битола и гласачите од Демир Хисар избираат кандидати за пратеници од ИЕ 5.
– Во Демир Хисар се гласа на 35 места каде се евидентирани 7.247 граѓани. До 13 часот гласаа 37,84 отсто од граѓаните или 2.752 лица, потврди Митко Јанкуловски, претседател на ОИК-Демир Хисар.