Грчката полиција вчера пронашла куфер со 149 молотови коктели во една зграда во централната атинска населба Ексархија, јавија денеска грчките медиуми.
Куферот бил пронајден во рамките на обема полициска акција која била спроведена поради претстојното одбележување на годишнината од смртта на Александрос Григоропулос кој на 6 декемви 2008 година, на 15 годишна возраст беше застрелан од полицијата, што предизвика масовни немири. Од тогаш, секоја година во спомен на момчето, се одржуваат демонстрации во кои често доаѓа до судир со полицијата.
Пронајдените гранати се однесени во форензичка лабораторија, за да се утврди дали на нив има отпечатоци.