Коалициите и политичките партии – учесници на претстојните предвремени парламентарни избори денеска продолжуваат со активностите во рамки на кампањата.
ВМРО-ДПМНЕ и Коалицијата „За подобра Македонија“ ќе одржат митинзи во Кратово, Пробиштип и Крива Паланка, а СДСМ и коалицијата „За живот во Македонија“ во Ресен и Битола.
Коалиција за промени и правда предводена од Демократскиот сојуз ќе има митинзи во Радовиш и Конче, како и средби со граѓани во Делчево и Берово и со жители во селата Дедино и Ракитец.
Шефот на Општинскиот изборен штаб на ДУИ во Тетово Џеват Адеми на прес-конференција ќе го оцени досегашниот тек на предизборната кампања, ДПА ќе одржи митинг во Слатино, а коалицијата „Алијанса за Албанците“ во Струга.
Носителот на кандидатската листа на коалицијата ВМРО за Македонија во Изборната единица 1 Ден Дончев ќе има средби со граѓани во Аеродром и Кисела Вода.