Униформиран полицаец бил истепан во саботата во раните утрински часови пред еден кафе-бар во Кратово, откако заедно со свои колеги дошол да интервенира по пријава за нарушен јавен ред и мир.
Како што соопшти МВР, околу 01,10 часот, во Кратово било пријавено дека на ул.„Браќа Миладинови“ во кафе-бар “Шмеки“ дошло до нарушување на јавниот ред и мир.
Од страна на униформирани полициски службеници веднаш било излезено на лице место и при воспоставување на редот, од страна на нарушителите Д.М. (27) и К. Е. (31), двајцата од Кратово, бил пружен активен отпор, при што од страна на Д. М. физички бил нападнат еден полицаец, на кого со удар со тупаница и клоца му нанел телесни повреди.
Откако истите биле доведени во послушност, се приведени во полициската станица во Кратово и против нив ќе биде поднесена соодветна пријава.
