Вчера вечер, околу 20,00 часот, во Скопје на бул.„Партизански Одреди“ во спортската обложувалница „Бет Сити Балкан“ лоцирана во ТЦ „Лептокарија“, од страна на маскиран и вооружен сторител извршено е разбојништво над вработените С.Н. (34) и М.С. (23) од Скопје.
Сторителот откако влегол внатре заканувајќи се со пиштол од вработените побарал пари, по што откако одзел околу 300.000 денари го напуштил местото на настанот и се оддалечил во непознат правец.
Увид на лице место извршила увидна екипа од СВР-Скопје и се преземаат мерки за пронаоѓање на сторителот.