Нема поголемо прашање за Србија од воспоставувањето на границата со Косово и тоа е преломна точка што ќе ја одреди судбината на земјата, изјави претседателот на Демократската партија на Србија (ДСС), Воислав Коштуница, и укажа дека најголема должност на Србија е да се спречи воспоставување на границата.
Западните сили го избраа овој момент, на Србија да и зададат тежок удар, рече Коштуница за “Денес”.
– Тоа беше должност на Србија и пред ослободувањето на Рамуш Харадинај, а потоа, тоа е уште поголема обврска – истакна Коштуница одговарајќи на прашање дали ослободувачката пресуда на Харадинај би можела да го втурне во втор план почетокот на спроведувањето на бриселскиот договор за интегрирано управување со премините.
-Силно се залагам Србија да упати барање до Советот за безбедност на ОН да ги суспендира преговорите под надзор на Брисел и преговорите да се вратат во целосен мандат на Советот за безбедност, како што е одредено со Резолуцијата 1244 – рече Коштуница.
– Ако владата воспостави граница со Косово, тогаш веќе не е потребна никаква платформа, рече Коштуница, и порача оваа Влада без двоумење да го одбие воспоставувањето на границата, како што тој своевремено го отфрли планот на Ахтисари.