Нов четврт земјотрес за една недела ја потресе Македонија. Денешниот бил со интензитет од четири степени според Европската макросеизмичка скала. Регистриран е во 11 часот и 14 минути, а потресот најмногу е почувствуван во Кичево, Крушево и околните населени места.
Сеизмолошката опсерваторија при Природно-математичкиот факултет соопшти дека епицентарот на земјотресот бил на околу 70 километри југозападно од Скопје.
Вчера беше почувствуван потрес со јачина од три до четири степени според Европската макросеизмичка скала во 16 часот и 32 минути во Валандово и во Гевгелија.
Во средата пак земјотрес со епицентар во соседна Албанија ги стресе и северозападните делови на Македонија.
Првиот во низата земјотреси беше регистриран во понеделникот во Ресен и околината.