Антонио Милошоски со цело локално раководство на ДПМНЕ се шегува на сметка на Битолчани.
За жал ѓаволот одамна ја однесе шегата од Битола! Каде им е образот, моралот и срамот на луѓето кои ја уништија Битола на секое поле да излезат со истите ветувања од пред 10 години, рече Борче Корлевски.
Господа од ДПМНЕ, за ваше потсетување, базенот го ветувате веќе 10 години, спортска сала не само што не направивте нова, туку и веќе постоечката ја упропастивте. Со гасификацијата и топлификацијата на Битола ниту сте започнале, ниту ќе започнете. Обидот за изградба на железничка пруга е веќе поврзан со голем број финанскиски скандали и голем број на подизведувачи кои останаа без своите финансиски средства. Што се однесува на планинараскиот дом “Копанки” самите пратеиници и советници од ДПМНЕ гласаа против да се доделат средства за негова обнова. За стадионот веќе не треба ни да се споменува.
Десет години сте на власт а веќе единаесет години на локално ниво. Во овие единаесет години успеавте од Битола да направите град во кој имаме спорт во изумирање, стопанство на колена, најзагаден воздух во Европа, запоставен универзитет, град од кој младите масовно се иселуваат и најголема стапка на канцерогени заболувања во Македонија.
Искрено се надеваме дека и самите сте свесни што направивте со нашата конзулска Битола и дека ќе престанете со своите лажни ветувања бидејќи за битолчани РЕАЛНО ништо не направивте!