Носителот на листа на коалицијата за пратеници во ИЕ 3 од коалицијата предводена од СДСМ, Љупчо Николовски вечерва во Облешево на средба со жителите истакна дека една од програмските задачи е да се спречи изнесувањето, како што рече, на нашите пари надвор од Македонија.
– Лага е дека ќе обезбедат минимална плата од 14 илјади денари. Ја компираа оваа мерка од СДСМ. Минималната плата нема да биде помала од 16 илјади, истакна Николовски пред жителите на Облешево.
Додаде дека просечната плата на крајот од мандатот ќе биде 30 илјади денари, и оти предвидуваат 140 милиони евра за малите и средни претпријатија за да го стимулираат бројот на вработени.
– Во секој семеен буџет ќе се слее уште една плата од ДДВ кој ќе го вратиме на граѓаните. Предвидуваме институциите да работат за секој граѓанин во државата. Предвидуваме 640 милиони евра за субвенции на земјоделците. Токму затоа на 11 декември ќе го избереме планот за иднината,за живот во Македонија, рече тој.
Ќе го донесеме, најави тој, законот за зелена нафта, ќе направиме ревизија како е доделено земјоделското земјиште, 10 милиони евра годишно предвидуваме за системи за одводнување, а секој земјоделец има ќе има бенефициран стаж.
Додаде дека средства во висина од 56 милиони евра средства ќе се обезбедат за интервенција на државата која ќе застане зад оризопризводителите, при што, како што рече, државата ќе мора да има грижа за откупот и пласманот на оризот.