Унгарија сака да инвестира во Србија, во сектори и стопански гранки кои се во заенички интереси, изјави денеска унгарскиот премиер Виктор Орбан.
Тој на прес-конференција во Ниш посочи дека унгарските анализи покажуваат дека Србија ќе се развива и оти пружа големи можности за странските инвеститори.
– Во Унгарија последните години имаме натрупано сериозен капитал, кој би сакале да го инвестираме во Србија, Не само во главниот град туку и во другите области и да изградиме развиени економски односи со јужниот дел на Србија, посочи Орбан.
Тој наведе дека земјите од Централна Европа по приемот во Европска унија доживеале голем успех во развојот и оти тоа ја очекува и Србија.
Орбан посочи и дека стабилноста на Србија е од клучно значење за стабилноста на цела Централна Европа.
– Тоа е и во наш интерес и затоа секогаш ќе ги поддржуваме сите чекори против тероризмот и зачувувањето на сигурна безбедносна ситуација во Србија.
Унгарскиот премиер се осврна и на состојбата на малцинствата во Србија.
– Кога станува збор за националните малцинства, Србија спроведува малцинска политика која ги надминува европските стандарди, потенцира Орбан.
Орбан вчера ја почна дводневната посета на Србија, а владите на Унгарија и на Србија денеска одржа заедничка седница во Ниш.
Српскиот премиер Александар Вучиќ и Орбан ќе учествуваат и на Бизнис форумот во организација на Стопанската комора на Србија. На Деловниот форум Србија – Унгарија ќе учестуваат 170 компании од двете држави.