СВР Скопје-Единица за имотни деликти до надлежното Основно јавно обвинителство Скопје гo предаде М.И.(44) од Скопје, поради основи на сомнение дека во својство на униформиран полициски службеник, вработен во Полициска станица Бит Пазар, заедно со Н.А.(25) од Скопје, извршиле кривично дело „измама“, а првопријавениот сторил и кривично дело „злоупотреба на службената положба и овластување“ со цел противправно да се стекне со имотна корист од 500 евра.
М.И. стапил во контакт со Н.А. и заедно го довеле во заблуда Т.Б.(25) од Турција, на кого со лажно прикажување на факти првопријавениот му зел 500 евра, со што се стекнал со противправна имотна корист од околу 30.750 денари.
Полицискиот службеник му ветил на турскиот државјанин дека преку негови луѓе ќе му помогне да му го најдат возилото, а за противуслуга побарал 500 евра.
Откако го договориле местото каде што требале да бидат исплатени парите, турскиот државјанин го пријавил случајот во полиција.
