Кривичниот суд денеска соопшти дека е одбиено барањето на Специјалното јавно обвинителство за одредување мерки на претпазливост за тројцата осомничени од предметот „Трезор“.
– Постапувајќи по предлог на Јавното обвинителство за гонење кривични дела поврзани и кои произлегуваат од незаконското следење на комуникациите (СЈО) за определување мерки за претпазливост за три лица опфатени во предметот на СЈО, во јавноста познат како „Трезор“, во Основниот суд Скопје 1 – Скопје, пред судија на претходна постапка денеска дојдоа трите лица кои во присуство на нивен бранител и претставник на СЈО се произнесоа во врска со предлогот со што судијата на претходна постапка донесе одлука со која предлогот на СЈО за определување на мерки на претпазливост за сите три лица се одбива како неоснован, се вели во соопштението на Основен суд Скопје 1 – Скопје.