Министерката за култура Елизабета Канческа-Милевска денеска ја посети општина Битола, каде се реализираат бројни проекти, меѓу кои и обновата на фасадата на Државното музичко училиште.
Обнoвaтa нa фaсaдaтa нa училиштето е вo рaмки нa прoектoт зa oбнoвa нa стaрите грaдски јaдрa.
Канческа-Милевска информира дека за обнова на фасадата на Државното музичко училиште во Битола, Министерството за култура вложи 3,3 милиони денари. Во овој период, како што рече, се конзервираат и реставрираат фасадите на гимназијата „Јосип Броз Тито“ и битолскиот Безистен.
– Објектот на Државното музичко училиште во Битола, изграден во периодот на Отоманската империја во 1907 година, е заштитен споменик на културата. Прекрасната фасада е целосно завршена и вратен е автентичниот лик и сјај на објектот. Министерството за култура ќе продолжи со обнова на фасади на објекти низ државата бидејќи тоа е долгорочен проект на Владата. Во Битола в година ќе се реконстрираат неколку нови фасади, меѓу кои и спомен-куќите на Гоце Делчев и Стив Наумов, посочи Канческа-Милевска.
Конзервацијата и реставрацијата на фасадата на Државното музичко училиште во Битола ја извршија екипи на Заводот и музеј-Битола и стручни лица од италијанската компанија „Мапеј“, кои првпат во Македонија користеле традиционални материјали, односно варов малтер.