Двајца ученици се повредени во тепачка меѓу две групи што се случи во средното хемиско училиште „Марија Кири – Слодовска“, соопшти денеска МВР.
Тепачката се случила вчера околу 14 часот и 40 минути кога повеќе лица, претежно ученици од училиштето, без повод и причина ги нападнале 16-годишните Н.О. и М.Б. Момчињата биле удирани со тупаници, клоци и со боксирачи.
Нападнатите малолетници побарале лекарска помош при што им се констатирани лесни телесни повреди во пределот на главата и телото. Повредените се пуштени на домашно лекување.
На местото на инцидентот се излезени инспектори од Одделението за малолетничка деликвенција и од разговорите со повеќе очевидци откриено е дека сторители на извршеното кривично дело се Б.Х. (25), Е.Ј. (15) Ј.Ј. (15) , Т.М. (15) од Скопје и М.Н. (32) и М.Ј. (17) од скопското село Студеничани. Со нив е извршен разговор и по целосното расчистување и документирање на настанот ќе бидат поднесени соодветни пријави.
