Во организација на општинската организација на Црвениот крст Кичево, Министерството за здравство, НВО „ИПГ“ и со грант на „Глобал фонд“ денеска во Кичево се одржа едукативна работилница.
Претставниците на ИПГ пред присутните ја претставија имплементацијата на програмата „Одржување ниска преваленца на ХИВ во Република Македонија, одржлив развој – застапување, комуникација и социјална мобилизација“.
– Целта на проектот е да се подобрат условите за имплементација на програмите за превенција од ХИВ и туберкулоза на ниво на заедницата и тоа, да се обезбеди одржливост на воспоставените програми со активно учество на заедницата на локално ниво и да се зголеми видливоста и ефикасноста на превентивните програми за ХИВ и туберкулоза, рече секретарот на Црвениот крст од Кичево Бесник Селими.