Полицаец од СВР-Скопје за време на вчерашниот фудбалски натпревар меѓу екипите на „Вардар“ и „Победа“ од Прилеп, бил удрен од непознато лице од гостинската навивачка група со метална шипка во пределот на главата.
Како што соопшти денеска МВР, инцидентот се случил синоќа во 19:30 часот во Скопје на Градскиот стадион, кога полицаецот кој бил на работна задача за обезбедување за време на фудбалскиот натпревар, интервенирал при нарушен Јавен ред и мир.
Повредениот полицаец по укажана лекарска помош во Градска општа болница „Наум Охридски“, каде му била констатирана телесна повреда, бил пуштен на домашно лекување.
Се преземаат мерки за пронаоѓање на сторителот и за целосно расчистување на случајот.
