Природонаучниот музеј на Македонија денеска одбележува 90 години од своето постоење.
По тој повод во просториите на музејот на свечената седница ќе се обрати директорот на музејот Ивица Заркадов, а предвидено е и обраќање на министерката за култура Елизабета Канческа Милевска. Јубилејот ќе го поздрават и еминантни научни и музејски работници од светот.
Во склоп на јубилејот во музејот ќе биде отворена и изложба за животот и делото на Станко Караман, основоположник на Природонаучниот музеј на Македонија.