Рускиот патријарх Кирил за време на посетата на Велика Британија, повика државите да се обединат во борбата „против злото тероризам“, истакнувајќи дека тоа е „света војна“.
– Денешната војна против тероризмот би требало да биде заеднички потфат. Тоа не е само борба на Русија. Тоа е борба на сите држави, сите би требало да се обединиме и да го совладаме злото, рече синоќа Кирил по состанокот со кралицата Елизабета и надбискупот од Кантербери.
Кирил додаде дека тоа е војна „што се нарекува света војна“, наведува порталот Политико.
Рускиот партијарх не прецизирал која би била главна цел на таа војна.