Ќе ги воодушевите вашите домашни …
Потребно е за 12 корпички:
4 јајца
200 мл вода
100 мл масло
1 лажица шеќер
200 гр остро брашно
за филот:
2 пудинга од ванила
500 мл млеко
5 лажици шеќер
100 гр мелени Плазма бисквити
250 мл слатка павлака
карамел прелив
Подготовка:
– Во сад на рингла ставете ги водата, маслото и шеќерот и оставете да провријат.
– Додадете го брашното и мешајте додека тестото не почне да се одвојува од ѕидовите на садот. Оставете да се излади и изматете го со миксер. Додадете ги јајцата, едно по едно, со постојано матење додека да добиете хомогена смеса.
– Смесата поделете ја на 12 делови. Со намастени раце прво секој дел обликувајте го како топче, а потоа со дланките притиснете.
– Ставете ги во калап за мафини така што ќе ги обликувате како корпички.
– Печете ги во загреана рерна на 250 целзиусови степени 15 минути. Отворете ја рерната и оставете да се изладат.
– Извадете ги од калапот и средината притиснете ја надоле.
– За филот, во сад на рингла ставете 400 мл млеко и шеќер и оставете да проврие. Остатокот од млекото измешајте го со прашокот за пудинг и сипете го во провриеното млеко. Со мешање варете го пудингот додека да се згусне.
– Оставете да се излади, а потоа додадете ги мелените бисквити.
– Изматете ја слатката павлака. Половина додадете ја во филот, а остатокот сочувајте го за декорирање.
– Во корпичките сипете од филот, а пота декорирајте со изматената слатка павлака. Можете да додадете и овошје по желба. На крај прелијте со карамел преливот.