Обвинителството во Бразил поднесе нови обвиненија за корупција и перење пари против поранешниот шеф на државата Луиз Инасио Лула да Силва.
Лула и поранешниот шеф на градежната фирма „Одебрехт“, Марсело Одебрехт се обвинети дека учествувале во корупциски скандал, поврзан со договори во Ангола.
Поранешниот претседател е веќе обвинет за две кривични дела поврзани со корупција во државната нафтена компанија „Петробраз“, а Одебрехт има 19-годишна пресуда за други корупциски обвиненија.
Обвинителството тврди дека Лула ја злоупотребил својата службена позиција и обезбедил финансирање од државната бразилска банка БНДЕС за проекти на „Одебрехт“ во Ангола. Фирмата на Марсело им платила за услугата на Лула и други соработници повеќе од девет милиони долари.