Британската премиерка Тереза Меј изјави денеска, на крајот на годишната конференција на Конзервативната партија, дека одлуката која Британците ја донеле на 23 јуни за напуштање на ЕУ, претставува „тивка револуција“ на милиони луѓе кои немале корист од глобализацијата и брзите економски промени.
Меј, исто така, вети централистичката Влада, еден ден откако нејзината Влада ги вознемири либералите, соопштувајќи им дека на компаниите треба да им биде приоритет да вработуваат Британци, пред странски работници.
За разлика од нејзиниот претходник Дејвид Камерон, кој го комбинираше социјалниот либерализам со фискалната заштеда и благата економска регулатива, Меј ги критикуваше директорите на корпорациите кои вешто ги избегнуваат даноците и ги присвојуваат пензиските фондови на вработените.
Британската премиерка најави дека ќе заземе повеќе интервенционистички економски пристап отколку некои нејзини конзервативни претходници, заклучувајќи дека „Владата може и треба да биде сила која се бори за благосостојба“.