Апелациониот суд Скопје, во понеделникот до Основен суд Скопје 1 – Скопје доставил решение, со кое на две лица осудени во „Шпион“, им се укинува мерката притвор.
Двете лица се пуштени на слобода.
Миќо Насковски-Кумановац и Цветан Дамјановски, кои беа осудени во случајот „Шпион“ и минаа повеќе од 3 години во притвор, од вчера се на слобода.
Во „Шпион“, под обвинение за злосторничко здружување, шпионажа, злоупотреба на службената положба и уцена, на затворски казни во траење од една до 15 години се осудени 19 лица.
Првоосомничениот Марјан Ефремов, и според Обвинителството, водач на групата која шпионирала за странски разузнавачки служби, а истовремено се занимавала со уценување, измами и изнуди, е усуден на 15 години затвор.
Надлежноста над предметот ја презеде Специјалното јавно обвинителство, кое побара намалување на затворските казни.