Единицата за недозволена трговија при СВР Скопје реализираше случај на – “недозволено изработување држење и тргување со оружје или распрскувачки материи“, при што против лицето В.С. (53) од Скопје поднесена соодветна кривична пријава, додека пак од страна на Истражен судија на пријавениот му е одредена мерка притвор во траење од 30 дена.
Имено, по претходно добиено оперативно сознание дека В.С. во својот дом недозволено чува експлозивни материи, Единицата за недозволена трговија превзеде соодветни мерки и активности за обезбедување на материјални докази.
По извршените дополнителни оперативни проверки, по претходно обезбедена судска наредба извршен е претрес на домот на пријавениот. При претресот пронајдени се: две парчиња пластичен експлозив завиткани во хартија , две детонаторски каписли со жица, два уреди за активирање на експлозив со ознаки “Уси-Трибл8901“ со две излезни жици, два пригушувачи “Жироскопи АП М-70“„ две батерии “Мега 9-V“.
По завршување на претресот В.С. е приведен во службените простории на СВР Скопје ЕНТДО, а ККИ ЕНТДО сеуште работи на дорасчистување и документирање на случајот околу потеклото на експлозивот и евентуална инволвираност на други лица во случајот.
Пријавениот минува во евиденциите на МВР како сторители на кривични дела од областа на имотните деликти.