Обвиненијата кои СЈО ги испрати до Судот ќе паднат во рацете на судијките Татјана Михајловска и Лидија Петровска, потврдуваат од Кривичниот суд.
Имињата на овие две судијки не се непознати во јавноста. Татјана Михајловска е судијката која одреди 4,6 годишен затвор за новинарот Томислав Кежаровски за случајот „Ликвидација’, а името на судијката Лидија Петровска е име кое го слушнавме во „бомбите“ на опозицијата, за која гласот кој наликува на оној на еск министерката Гордана Јанкуловска проверуваше во тефтерчето кој ја предложил за судијка.
Двата предмета на Специјалното јавно обвинителство се изработени по скратена постапка и веднаш се доставени до Кривичниот суд.
Едниот предмет е за уништување на доказите со цел да се прикрие незаконското прислушување, а другиот е за кршењето во општина Центар, за кој најверојатно ќе бидат обвинети екс премиерот Никола Груевски и екс министерот Миле Јанакиески.
