За сите љубители на салати со мајонез …
Потребно е:
200 гр моркови
200 гр смрзнат грашок
350 гр компири
1 кисело јаболко со средна големина
1-2 лажици сок од лимон
250 мл вода
сол, бибер
1 кесичка (7 гр) желатин
6 лажици мајонез
3 лажици павлака
6 јајца
1 пиперка
листови магдонос, за декорација
Подготовка:
– Излупете ги морковите и компирите и исечете ги на мали коцки. Ставете ги во едно подлабоко тенџере и потоа додадете го смрзнатиот грашок. Во тенџерето сипете ладна вода, да ги покрие состојките. Додадете сол и бибер по вкус и сварете го зеленчукот.
– Излупете го и јаболкото и исецкајте го на мали коцки. прелијте го со 1-2 лажици сок од лимон за да не поцрни.
– Сварете ги јајцата да бидат тврдо варени и оставете да се изладат.
– Исцедете го сварениот зеленчук и сочувајте 250 мл од водата во која го варевте.
– Во изладената вода додадете 1 кесичка желатин, убаво измешајте да се растопи желатинот.
– Потоа додадете го зеленчукот, сецканото јаболко, мајонезот и киселата павлака и убаво измешајте.
– Модлата (28х13 см) во која ќе ја сипете салатата обложете ја со пластична фолија, така да краевите на фолијата излегуваат надвор од модлата.
– Прво во модлата сипете 1 слој од салатата со дебелина од околу 1,5 см. Над неа по средината наредете ги сварените јајца и потоа со лажица внимателно сипете го остатокот од салатата. Краевите на фолијата префрлете ги над салатата во калапот.
– Изладете ја салатата во фрижидер најдобро преку ноќ. Изладената салата превртете на чинија за сервирање, премачкајте ја со мајонез и украсете по желба.