Две лица се повредени синоќа во тепачка во селото Смесница во општина Зелениково. МВР денеска соопшти дека тепачката настанала поради љубовна врска меѓу членови на две фамилии.
Двете повредени лица се здобиле со прострелни рани на градниот кош и биле пренесени во Градската општина болница „Наум Охридски“ каде се задржани на лекување.
Во тепачката учествувале Д.К. и В.К. кои со пиштоли стрелале кон Џ.Д. (30) и Ф.Д. (25). Притоа, Џ.Д. се здобил со две прострелни рани во пределот на градниот кош, а Ф.Д. со една рана во пределот на градниот кош.
Се преземаат мерки за пронаоѓање на Д.К. и В.К. и за целосно расчистување на случајот.
