По земјотресот во 15:10 часот со јачина од 5,2 степени во Скопје, делови од Центар останаа без струја.
Од ЕВН информираат дека прекинот на електрична енергија се случил бидејќи се вклучил системот за автоматска заштита и дека ги вклучуваат оние трансформатори што им се на далечинско управување.
Телефонските линии на двата мобилни оператори се оптоварени.
По земјотресот престанаа да работат и семафорите во централното градско подрачје.
Граѓаните се излезени на улица и не се враќаат во своите домови од страв од нови потреси.