Лицата со инвалидитет денеска во Белград одржаа протест под мотото „Парада на храброста, силата и достоинството“, со цел да укажат на проблемите со кои се соочуваат и да потсетат на своите права.
Учесниците на парадата изнесоа 16 барања, меѓу кои, зголемување на помошта и додатоците за туѓа нега, вработување, бесплатен превоз, ослободување од плаќање на некои такси и даноци и укинување на данокот на додадена вредност за купување медицински помагала, јави Танјуг.
Доколку барањата не бидат усвоени, најавени се нови протести за почетокот на ноември.