По објавувањето на конкурсот за бесплатно изучување на руски јазик од страна на Рускиот центар при Универзитетот „Свети Кирил и Методиј“ од Скопје македонските граѓани покажаа огромна заинтересираност.
Од Рускиот центар при УКИМ информираат дека заклучно со 5 септември, до кога беше и крајниот рок за пријавувањето, биле поднесени 850 апликации. Во моментов се вршат подготовките за отпочнување на наставата. За сите оние што не успеале да поднесат пријава, Рускиот центар ветува организирање курсеви и во следната академска 2017/18 година.