Денеска времето ќе биде сончево и топло со мала до умерена облачност. Кон крајот на денот облачноста ќе се зголеми со услови за локален дожд во северните краеви.
Максималните дневни температури ќе се движат од 22 Целзиусови степени во Маврово, 27 во Берово, во Охрид 28, Скопје 31, Кавадарци 33, Дојран 34…
Под влијание на серија на влажни воздушни бранови, утре и задутре времето ќе биде претежно облачно и свежо со врнежи од дожд, а поголеми количини на воден талог се очекуваат во западните и јужните делови од земјата.
Температурата на воздухот значително ќе опадне. Утре максималните дневни температури ќе бидат од 19 до 25 степени, а во среда од 18 до 24.
Во четврток и петок ќе има и локална појава на нестабилност, а дневната температура ќе биде во постепен пораст
Во случај на појава на електрични празнења се препорачува поголема внимателност, и да не се престојува на отворен простор и под дрвја.