Непознат сторител вчера во Скопје извршил кражба од автомобил на турски државјанин, одземајќи златни алки, рачни часовници, мобилни телефони… во вредност од 600 илјади денари.
Како што информираат од полицијата, вчера во полициската станица Центар Ј.Р. (61) од Турција, пријавил дека дента околу 17:30 часот на ул.„Прохор Пчински“ во Скопје непознат сторител извршил тешка кражба од патничкото возило „фолксваген транспортер“ со турски национални ознаки, така што со употреба на подесен клуч ја отворил вратата од возилото и одзел шест патни торби во кои имало лични работи – алишта, две златни алки, три рачни часовници, два мобилни телефони и две закачалки за костуми, по што го напуштил местото на настанот стекнувајќи се со противправна имотна корист од околу 600 илјади денари.
Полицијата презема мерки за пронаоѓање на сторителот и целосно расчистување на случајот.