Ве уверувам, ќе го решиме проблемот со одводните канали, целосно прочистување на отпадните води и со фекалната канализација во Илинден! Ќе ве спасиме од зарази, од трошоци, од секојдневните маки што ги имате. Тоа е обврска на секоја одговорна Влада, рече Љупчо Николовски, член на Извршниот одбор на СДСМ.
Од околу 2.000 куќи во населеното место Илинден, тоа се околу 8.000 жители, само 170 домаќинства се приклучени на бомбастично најавуваната Пречистителна станица. Толкав е нејзиниот капацитет.
Оваа неодговорна власт ги оставила луѓето да се снаоѓаат сами, како знаат.
Едни, излезот го нашле во поврзување на своите домови со јавните одводни канали.
За време на поплавите, на голем дел од нив, поради надојдената вода по нивите, целата вода со фекалии им се вратила во тоалетите. И овие луѓе сега стравуваат од зарази.
Други користат септички јами. Можете ли да замислите, септички јами во 21-от век?
Кај не се поврзани со фекална канализација, уште плаќаат по околу 50 евра месечно за чистење на септичките јами, што е огромен товар поради огромната сиромаштија.
Ние целосно ќе се посветиме на потребите на граѓаните. Еден од нашите приоритети е решавање на инфраструктурата во целата земја, со што ќе ја извадиме Македонија од каменото доба и ќе ја поставиме меѓу цивилизираниот свет.