На 8. ноември, САД го бираат новиот претседател, но американците се незадоволни од понудениот избор.
Повеќе од 50 отсто гласачи во САД се незадоволни од кандидатите за претстојните претседателски избори – демократката Хилари Клинтон и републиканецот Доналд Трамп, покажала анкетата на телевизијата Еј-би-си и на весникот „Вашингтон пост“.
Се работи за дури 57 отсто од испитаниците, додека 35 отсто сакаат да гласаат за некој друг кандидат.
Но, како што објави Еј-би-си на својот сајт, според друго истражување 59 отсто испитаници сметаат дека ако гласаат за трет кандидат тоа може да резултира со победа на кандидатот кој им е помалку прифатлив.