„Со оглед на продолжените воени активности во и околу Појасот Газа, како и значително влошената безбедносна состојба во овој регион, Министерството за надворешни работи на РМ ги советува сите граѓани на Македонија против било какви патувања или движења во и околу Појасот Газа, како и во областите на Израел, оддалечени 40 или помалку километри од границата со Појасот Газа, а кои се под зголемен ризик да бидат цел на напади од проектили лансирани од Газа, “ се вели во соопштението на МНР.
Министерството ги советува македонските граѓани да внимаваат и на фактот што границата меѓу Газа, Египет и Израел може да биде затворена без предупредување.
МНР додава и дека ќе го следи развојот на настаните во и околу Газа и Израел и редовно ќе ги известува македонските државјани.
МНР контакт телефони: + 389 2/3110 322 и + 389 2/3110 333.
Македонска амбасада во Тел Авив контакт телефони: ++ 972 737154900, ++ 972 542092092, ++ 972 546656020, ++ 972 36124789