Премиерот на Србија Александар Вучиќ до премиерот Емил Димитриев испратил телеграма со сочувство по невремето кое го погоди Скопје и околината, а во кое животот досега го загубија 21 лице.
„Природата повторно не опоменува дека не сме доволно силни да се спротивставиме на нејзината силина, но она што можеме да го направиме е да си помогнеме едни на други. Владата на Србија е подготвена, во рамки на своите можности, да понуди помош и поддршка за граѓаните и Владата на Македонија во отстранување на последниците од оваа природна непогода“, се наведува во писмото на Вучиќ.