Градоначалникот на општина Центар, Андреј Жерновски, во 11 часот пристигна во Специјалното јавно обвинителство каде е повикан да даде исказ во врска со проектите од владиниот проект “Скопје 2014“.
По налог на Жерновски, по неговото доаѓање на градоначалничката функција изработени се два ревизорски извештаи. И тогаш и сега, посочи дека врз основа на документи и докази, констатирани се низа неправилности и кршење на закони, неколкукратно поскапо платени споменици, криминални тендерски постапки. Материјалот беше доставен до Јавното обвинителство пред три години, но нема никакви резултати. За овој проект, СЈО има оформено предмет.