150-на ултрадесничари се судрија со полицијата во грчкиот град Комотини, во обид да го нападнат собирот на припадници на муслиманската заедница.
Ултрадесничарите фрлале камења врз полицијата, која активирала солзавец и шок бомби за да ги растераат.
Собирот го организираше малата муслиманска партија „Пријателство, еднаквост, мир“ во знак на одебележувањето на 21 годишнината од смртта на нејзиниот основач Ахмет Садик , кој загинал во сообраќајна несреќа во 1995 година.
Во Грција има над 100 илјади муслимани и главно живеат во областа Тракија на североистокот на земјата. Тие се изјаснуваат како Турци иако Грција им го оспорува правото нанационално самоопределување.