Српскиот одбојкар Марко Ивовиќ е прогласен за најкорисен играч (МВП) на завршниот турнир од Светската лига одржан во полскиот град Краков.
Финансиската награда за ова признание е 30 илјади долари.
Покрај наградата за МВП, Ивовиќ ќе добие дополнителни 10 илјади долари затоа што се најде во идеалниот состав на турнирот.
Идеален тим на турнирот: Ивовиќ и Сречко Лисинац (Србија), Жења Гребењиков и Антон Рузие (Франција), Валас Де Соза и Маурисио Соза (Бразил) и Симоне Џанели (Италија).
Србија синоќа во финалето го победи Бразил со 3-0 и за прв пат го освои трофејот во Светската лига.