На ЕУРО 2016 вечерва на програмата е финалниот дуел во кој Франција игра со Португалија.
Селекторот на домаќините Дидие Дешам е во дилема како да се задржи ѕвездата на противникот, Кристијано Роналдо.
– Играме против тим кој е предводен од најдобриот играч на светот Кристијано Роналдо. Тој без конкуренција е најголемата закана за нашиот гол. Врвен играч е, добар во скокот и не само што има одличен одраз, туку и се задржува во воздух. Многу репрезентации не најдоа решение да го сопрат. Ќе биде одлично ако ние успееме да го задржиме, рече Дешам.
Франција вечерва од 21 часот на „Стад де Франс“ тргнува по третиот трофеј на Европските првенства, додека ривалот Португалија го „брка“ првиот наслов европски шампион.