Тепачка на Правниот факулет помеѓу студенти за кои од Пленумот тврдат дека се членови на УМС на ВМРО-ДПМНЕ и студенти од Студентскиот Пленум.
Инцидентот настана кога групацијата која ги изведуваше овие студентски избори не успеа да собере студенти кои ќе гласаат за изборот на нов студентски лидер, па за да не се види срамот и дека немаат поддршка ја украдоа гласачката кутија.
Во тоа според Пленумот учествувале и лица од надвор како и членови на УМС на ВМРО-ДПМНЕ. По инцидентот останаа расфрлани избирачките ливчиња кои не беа употребени за гласање, односно поради малиот или никаков одзив на студентите останаа празни.
Студентскиот пленум ги бојкотира иборите зошто се распишани од студенти на кои веќе две години им е истечен мандатот и со тоа го изгубија правото да распишуваат избори но и поради политичката заднина на изборите на кои повторно власта сака да намести свои послушници.
– Овие избори се спроведени во лето надвор од академската година, кога најголем број од студентите не се во Скопје и не можат да гласаат.
– На овие избори нема избор! Двајцата кандидати кои претендираат да станат студентски претставници својата кандидатура ја темелат на поддршката на 13 парламенти на матичните факултети кои немаат право да ја дадат истата бидејќи им е истечен мандатот, кажаа тие.