Коалицијата за живот денеска напладне организира мирен марш под мотото „Марш за семејството и детските колички“. Маршот треба да почне од пред споменикот на Мајка Тереза во 12 часот.
Целта на маршот, кој ќе заврши со забава на плоштадот, е да се подигне свеста за зголемување на наталитетот и заштитната функција на семејството како основна клетка на општеството во целина.
„Најважното во него се, секако децата, нашето богатство кое ветува убава иднина со многу насмевки и прогрес. Зборуваме за семејните и традиционалните вредности на нашиот народ и држава коишто дефакто се во криза, но никако не смееме да ги заборавиме и целосно да ги напуштиме“, велат од Коалицијата за живот.
