Како денешен десерт подгответе го овој вкусен чоколаден колач …
Потребно е:
350 гр јагоди и капини од слатко
70 гр чоколадо
80 гр растопен путер
50 гр кафеав шеќер
2 јајца
1 лажиче екстракт од ванила
100 гр брашно
1/2 лажиче сол
1 лажиче сода бикарбона
прелив од јагоди
шлаг во спреј
Подготовка:
– Округла тава со дијаметар од 28 см обложете ја со хартија за печење.
– Во еден сад на рингла на ниска температура растопете ги чоколадото и путерот и измешајте за да добиете хомогена смеса.
– Во горната изладена смеса додадете ги шеќерот, јајцата и екстрактот од ванила и убаво изматете со миксер.
– Измешајте го брашното со содата и солта и додадете го во горната смеса, измешајте. На крај додадете го слаткото од капини и јагоди и повторно измешајте.
– Смесата сипете ја во тавата и ставете да се пече во загреана рерна на 180 целзиусови степени, 30-35 минути (најубаво да проверите со чепкалка за заби дали е печено).
– Печениот колач оставете го да се излади, исечете го на парчиња. На секое парче ставете од шлагот и преливот од јагоди и послужете.