Возачот на Мерцедес и лидер во генералниот пласман во Ф1 Нико Розберг победи на денешната трка за Големата награда на Европа што се возеше во Баку. Ова за него е 19.та победа во кариерата, а петта сезонава со што се зацврсти на првата позиција во генералниот пласман. Второто место му припадна на возачот на Ферари Себастијан Фетел, а трет е Серхио Перез од Форс Индија.
На позицијата број 4 заврши Кими Раиконен од Ферари, а зад него се пласира шампионот Луис Хамилтон (Мерцедес), кој стартуваше од десетото место.
Во генералниот пласман води Розберг со 141 бодови, пред Хамилтон со 117 и Фетел со 96. Кај конструкторите води Мерцедес со 258 бодови, пред Ферари со 177.
Следната трка се вози на 3.јули за Големата награда на Австрија.