Во куќа во селото Стајковци извршена е кражба при што се украдени 31.800 евра и причинета е материјална штета околу 2.000 денари.
МВР информира дека сопственикот на куќата, 50-годишниот А.Ф. ја пријавил кражбата вчера во полициската станица во Гази Баба, наведувајќи дека таа се случила во периодот од 29 мај до 2 јуни.
Кражбата е извршена така што сторителот со скала која ја поставил на ѕидот влегол преку прозорецот од горниот спрат на куќата и по пребарувањето ги пронашол и одзел парите. Се преземаат мерки за пронаоѓање на сторителот.