Автомобил „шкода октавија“ вчера вечерта се запалил во движење. Инцидентот се случил додека автомобилот се движел на магистралниот пат Скопје – Граничен премин Блаце. Возилото е во сопственост на Министерството за внатрешни работи.
Полицајците застанале на бензинската пумпа „Макпетрол“ и го изгаснале пожарот. Полициските службеници со возилото тргнале да вршат увид на сообраќајна незгода на царинскиот терминал.