Возачот на Мерцедес Луис Хамилтон е победник на денешната трка што се возеше на улиците на Монте Карло. Ова за него е прва победа сезонава.
Второто место му припадна на Даниел Рикардо од Ред Бул, а третото место на подиумот му припдна на Серхио Перез од Форс Индија.
Себастијан Фетел од Ферари заврши на 4. место, а Фернандо Алонсо од Мекларен заврши на петото место. Водечкиот во генералниот пласман Нико Розберг го освои шестото место.
Тој ја задржа и првата позиција во генералниот пласман со 106 бодови, пред Хамилтон кој има 82. На третото место се наоѓа Рикардо со 66, пред возачите на Ферари Фетел и Кими Раиконен кои имаат по 61 и 60 бодови.
Следната трка се вози на 12.јуни за Големата награда на Канада во Монтреал.