Најдобриот светски тенисер Новак Ѓоковиќ без поголеми проблеми попладнево забележа победа над Јен Лу со 3-0 во сетови (6:4; 6:1; 6:1) и избори пласман во второто коло на Ролан Гарос.
Пласман во следната рунда избори и домашниот тенисер Жо-Вилфред Цонга, кој со истиот резултат (3-0) го совлада Јан-Ленард Штруф. Убедлив со само три загубени гема беше Давид Ферер во дуелот со Евгени Донски.
Претходно во текот на денот победи постигнаа: Енди Мареј, Рафаел Надал, Томаш Бердих, Џон Изнер.
Кај жените од попладневите мечеви Ана Ивановиќ со 2-1 во сетови ја победи Осеан Додин, а турнирот во првото коло заврши за победничката на Австралија Опен Анжелик Кербер, како и за повеќекратната полуфиналистка на Ролан Гарос, Јелена Јанковиќ.
Според програмата на организаторите вечерва треба да се комплетираат мечевите од првото коло во двете конкуренции.